Православный Молитвосло́в +

Молитва всем святым и Бесплотным Небесным Силам

Admin — Mon, 29 Jun 2015 20:36:24 GMT

Боже святый и во святых почиваяй, трисвятым гласом на небеси от Ангел воспеваемый, на земли от человек во святых Своих хвалимый: давый Святым Твоим Духом комуждо благодать по мере дарования Христова, и тою поставивый Церкви Твоей святей овы Апостолы, овы пророки, овы же благовестники, овы пастыри и учители, их же словом проповеди. Тебе Самому действующему вся во всех, мнози совершишася святии в коемждо роде и роде, различными добродетель-ми благоугодившии Тебе, и к Тебе нам образ добрых подвигов своих оставивше, в радости прешедшии, готови, в нем же сами искушени быша, и нам напаствуемым помогати. Сих святых всех воспоминая и их богоугодное похваляя житие, Тебе Самаго, в них действовавшаго, восхваляю, и онех благотворения Твоя дарования быти веруя, прилежно молю Тя, Святе святых, даждь ми грешному последовати их учению, паче те Твоею вседействующею благодатию, небесныя с ними сподобитися славы, хваляще пресвятое имя Твое, Отца и Сына и Святаго духа во веки. Аминь.

Молитва читаемые при нарушении сна у младенцев

Admin — Mon, 29 Jun 2015 20:34:53 GMT

О, пречуднии святии седмочисленнии отроцы, Ефеса града похвало и всея вселенныя упование! Воззрите с высоты небесныя славы на нас, любовию память вашу чтущих, наипаче же на младенцы христианския, вашему заступлению от родителей своих препорученныя: низведите на ня благословение Христа Бога, рекшаго: оставите детей приходить ко Мне: болящия убо в них исцелите, скорбящия утешите; сердца их в чистоте соблюдите, кротостию исполните я, и в земли сердец их зерно исповедания Божия насадите и укрепите, во еже от силы в силу им возрастити; и всех нас, святей иконе вашей предстоящих, мощи же ваша с верою лобызающих и тепле вам молящихся, сподобите Царствие Небесное улучити и немолчными гласы радования тамо прославляти великолепое имя Пресвятыя Троицы, Отца и Сына и Святаго Духа во веки веков. Аминь.

Молитвы, читаемые при нарушении сна у младенцев

Admin — Mon, 29 Jun 2015 20:34:13 GMT

Тропарь, глас 8-й:
Благочестия проповедники и воскресения умерших изобразители, Церкви столпы седмочисленныя, отроки всеблаженныя песньми восхвалим: тии бо по многих летех нетления, аки от сна воставше, всем возвестиша яве мертвых востание.

Кондак, глас 4-й:
Прославивый на земли святыя Твоя, прежде втораго и страшнаго пришествия Твоего, Христе. Преславным востанием отроков показал еси Воскресение неведящим е,, нетленна одеяния и телеса явив, и царя уверил еси вопити: воистинну есть мертвых востание.

Молитва Архангелу Варахиилу в воскресенье

Admin — Mon, 29 Jun 2015 20:32:29 GMT

О, великий архистратиже Божий архангеле Варахииле! Предстоя Престолу Божию и оттоле принося благословение Божие в домы верных рабов Божиих, испроси у Господа Бога милосердия и благословения на домы наша, да благословит Господь Бог и нас от Сиона и от Горы Святыя Своея и умножит изобилие плодов земных и подаст нам здравие и спасение и во всем благое поспешение, на врагов победу и одоление и сохранит нас на многия лета, да единодушно славим Бога Отца и Сына и Святого Духа, ныне и присно и во веки веков. Аминь.

Молитва Архангелу Иегудиилу в субботу

Admin — Mon, 29 Jun 2015 20:31:54 GMT

О, великий архистратиже Божий Иегудииле! Ты еси ревностный защитник славы Божией. Ты возбуждаешь прославлять Святую Троицу, пробуди и меня ленивого, славить Отца и Сына и Святого Духа и умоли Господа Вседержителя да созиждет во мне сердце чисто, и дух прав да обновит во утробе моей, и духом Владычним да утвердит меня покланятися Богу духом и истиною Отцу и Сыну и Святому Духу, ныне и присно и во веки веков. Аминь.

Молитва Архангелу Селафиилу в пятницу

Admin — Mon, 29 Jun 2015 20:30:57 GMT

О, великий архистратиже Божий Селафииле! Ты молиши Бога за людей верующих, умоли Его благоутробие за меня, грешную, да избавит меня Господь от всех бед и болезней и от напрасныя смерти и да сподобит меня Господь Царствия Небеснаго со всеми святыми во веки веков. Аминь.

Молитва Архангелу Уриилу в четверг

Admin — Mon, 29 Jun 2015 20:30:20 GMT

О, великий архистратиже Божий Урииле! Ты еси сияние огня Божественнаго и просветитель помраченных грехами: просвети ум мой, сердце мое, волю мою силою Святого Духа и настави мя на путь покаяния и умоли Господа Бога, да избавит мя от ада преисподнего и от всех врагов моих видимых и невидимых, всегда ныне и присно и во веки веков. Аминь.

Молитва Архангелу Рафаилу в среду

Admin — Mon, 29 Jun 2015 20:29:38 GMT

О, великий архистратиже Божий Рафаиле! Ты еси путеводитель, врач и исцелитель, руководствуй меня ко спасению и исцели все болезни мои душевные и телесные, и приведи меня к Престолу Божию, и умоли Его благоутробие за грешную душу мою, да простит меня Господь и сохранит от всех врагов моих и от злых человек отныне и до века. Аминь.

Молитва (иная) Архангелу Гавриилу во вторник

Admin — Mon, 29 Jun 2015 20:28:47 GMT

О, святый архангеле Гаврииле! Всеусердно молим тя, настави нас, раб Божиих (имена), к покаянию от злых дел и ко утверждению в вере нашей, укрепи и огради души наша от искушений прельстительных и умоли создателя нашего о отпущении грехов наших. О, святый великий Гаврииле архангеле! Не презри нас грешных, молящихся тебе, в веце сем и будущем, но присно помощник нам явися, да непрестанно славим Отца и Сына и Cвятаго Духа во веки веков.

Молитва первая Архангелу Гавриилу во вторник

Admin — Mon, 29 Jun 2015 20:27:56 GMT

О, святый великий архангеле Гаврииле, Божию Престолу предстояй и озарением от Божественного света осиянный, ведением же непостижимых тайн о превечней премудрости Его просвещенный! Всеусердно молю тя, настави мя к покаянию от злых дел и ко утверждению в вере моей, укрепи и огради душу мою от искушений прельстительных, и умоли Создателя нашего о отпущении грехов моих. О, святый великий Гаврииле архангеле! Не презри мене грешнаго, молящегося тебе о помощи и заступлении твоем в веце сем и в будущем, но присно помощник мне явися, да непрестанно славлю Отца и Сына и Святого Духа державу и твое предстательство во веки веков. Аминь.