Главная » 2015 » Май » 1 » Акафист святым благоверным князю Петру и княгине Февронии Муромским Икос 1 о благополучии в браке
23:24
Акафист святым благоверным князю Петру и княгине Февронии Муромским Икос 1 о благополучии в браке
Ангели земнии и человецы небеснии воистинну явистеся, блаженнии Петре и Февроние, от юности вашея чистую совесть имущии к Богу, и добре во благочестии и чистоте вкупе пожившии, нам же оставльшии в пример подражания житие ваше богоугодное, емуже чудящеся и чудесы вашими озаряеми, зовем вам гласы хвалебными сице: Радуйтеся, от юности вашея Христа возлюбившии и Тому от души поработавшии; радуйтеся, целомудрия хранители и душевныя и телесныя чистоты рачители. Радуйтеся, души ваша и телеса на земли в обиталище Духа Святаго уготовившии; радуйтеся, исполненнии премудрости и разума божественнаго. Радуйтеся, яко во плоти, яко безплотни, вкупе пожисте; радуйтеся, яко равноангельную честь достойне приясте. Радуйтеся, яко от земли на Небо преидосте и тамо со Ангелы Троице предстоите; радуйтеся, яко со безплотными лики трисвятую песнь Ей воспеваете. Радуйтеся, на Небеси и на земли от Господа прославленнии; радуйтеся, обретшии вечное всесветлое место упокоения. Радуйтеся, града Мурома сокровища пребогатая; радуйтеся, источницы неистощимии чудес. Радуйтеся, святии и преславнии чудотворцы Петре и Февроние.