Чин совершается посреди церкви. На аналое лежат Евангелие и Крест: муж стоит с правой стороны, жена – с левой. Священник в облачении, как и при полном чине венчания, вручает им зажженные свечи и начинает:
"Благословен Бог наш..."-"Аминь". "Царю Небесный...", Трисвятое... по "Отче наш", дневной тропарь.
Ектения:
"Миром Господу помолимся". "О свышнем мире...", "О мире всего мира...", "О святем храме сем...", "О рабех Божиих (имена) и еже о Бозе покрове, и сожитии их, Господу помолимся".
"О еже спожити им добре во единомыслии, Господу помолимся". "О еже подати им прощение прегрешений, грехов очищение, прощение беззаконий вольных же и невольных, Господу помолимся". "Заступи, спаси, помилуй...", "Пресвятую, Пречистую, Преблаго-словенную...", "Яко подобает Тебе..."
Молитва 1-я: "Владыко Господи Боже., наш, тайная ведый человеческая, иже Рааву блудницу простивый, и мытарево покаяние приемый, не помяни грехов наших неведения от юности. Аще бо беззакония назриши Господи, Господи, кто постоит Тебе, или какая плоть оправдается пред Тобою? Ты бо Един еси Праведен, Безгрешен, Свят, Многомилостив, Многоблагоутробен, и Сожалеющий о человеческих злодеяниях. Ты, Владыко, присвоивый рабы Твоя (имена), соедини их любовью друг к другу: даруй им мытарево обращение и блудницы слезы, да покаянием от всего сердца своего во единомыслии и мире заповеди Твоя делающе, сподобятся и Не-беснаго Твоего Царствия. Яко Ты еси строитель всех, и Тебе славу возсылаем, Отцу, и Сыну, и Святому Духу, ныне и присно, и во веки веков, аминь".
Молитва 2-я: "Боже, Боже наш, пришедый в Кану Галилейскую и тамошний Брак благословивый. Благослови и рабы Твоя сия Твоим промыслом ко общению Брака сочетавшыяся: благослови их входы и исходы, умножи во благих житие их, восприими венцы их в Царствии Твоем, нескверны, и непорочны, и ненаветны соблюдаяй во веки веков, аминь".
Затем священник трижды благословляет венчаемых супругов, простирая над их головами руки и каждый раз возглашая: "Господи Боже наш, славою и честию венчай их!" "Вонмем. Мир всем. Премудрость, вонмем". Прокимен, Апостол и Евангелие из чина венчания.
Ектния: "Рцем вси от всея души и от всего помышления нашего рцем".
"Господи Вседержителю, Боже отец наших, молим Ти ся, услыши и помилуй"
"Помилуй нас, Боже, по велицей милости Твоей, молим Ти ся, услыши и помилуй".
"Еще молимся о рабех Божиих (имена), ныне просящих у Бога прощения и благословения в Брака общение, о здравии и спасении их, – рцем вси: Господи, услыши, и милостивно помилуй".
"Еще молимся о предстоящих людех во святем храме сем, и чающих от Тебе великия и богатыя милости, за всю братию нашу и за вся православныя Христианы, о здравии и спасении их, – рцем вси: Господи, услыши и милостивно помилуй".
"Яко Милостив и Человеколюбец Бог еси, и Тебе славу возсылаем, Отцу и Сыну, и Святому Духу, ныне и присно, и во веки веков. Аминь".
"Господу помолимся". – Лик: "Господи, помилуй".
"Господи Боже наш, иже от язык предобручивый Церковь деву чистую, благослови и сохрани рабы Твоя сия в смирении и соединении, якоже благоволил еси сохранити я до сего дне; исполни вся благая хотения их; излей на них яко щедр и благоутробен богатыя милости и щедроты Твоя; даруй им с здравием долгоденствие и во всех добродетелех преспеяние. Яко Благ и Человеколюбец Бог еси, и Тебе подобает всякая слава, честь и поклонение, Отцу и Сыну, и Святому Духу, ныне и присно, и во веки веков. Аминь".
"Мир всем" – Лик: "И духови твоему". – "Глава ваша Господеви поклонете". – "Тебе, Господи". Священник, благословляя, глаголет молитву:
"Отец и Сын, и Дух Святый, Всесвятая, Единосущная и Жи-воначальная Троица, Едино Божество и Царство, да благословит (делает крестное знамение) вас, и да подаст вам долгожитие, совершенство жизни и веры, и да исполнит вас всеми земными благами, и да сподобит вас получить обещанные небесные блага, молитвами Пресвятыя Богородицы и всех святых. Аминь".
"Премудрость".-"Пресвятая Богородице, спаси нас".-Лик:
"Честнейшую Херувим..." – "Слава Тебе, Христе Боже..." – Лик:
"Слава, и ныне", "Господи, помилуй" (трижды), "Благослови".
Священник произносит отпуст, затем многолетие.
Отпуст: "Иже в Кане Галилейстей пришествием Своим честен Брак показавый, Христос истинный Бог наш, молитвами Пречистыя Своея Матери, святых славных и всехвальных апостол, святых равноапостольных Константина и Елены, и святаго великомученика Прокопия, и всех святых, и помилует и спасет нас, яко Благ и Человеколюбец. Аминь".
|
