Тропарь, глас 8
В
тебе мати известно спасеся еже по образу: / приимши бо крест, последовала еси Христу / и деющи учила еси: презирати убо плоть, преходит бо, / прилежати же о души вещи безсмертней. / Темже и со ангелы срадуется, преподобная Марие, дух твой.
В
тебе, матерь, точно сохранилось / то, что в нас по Божию образу: / ибо взяв свой крест ты последовала за Христом, / и делом учила пренебрегать плотью, как преходящей, / заботиться же о душе, творении бессмертном. / Потому и радуется с Ангелами, преподобная Мария, дух твой.
КАНОН, ГЛАС 6
Песнь 1
Ирмос: Волною морскою / Скрывшаго древле / гонителя мучителя – под землею скрыша / спасенных отроцы; / но мы, яко отроковицы, / Господеви поим, / славно бо прославися.
Ирмос: Волною морскою / Покрывшего в древности / преследователя-тирана / сокрыли под землею / дети Им спасенных; / но мы, как юные девы, / Господу воспоем: / ибо славно Он прославился.
Припев: Преподобная мати Марие, моли Бога о нас.
Припев: Преподобная матерь Мария, моли Бога о нас.
Любовию светоносную и божественную твою память празднующему, / свет низпосли ми, / предстоящая преподобная свету неприступному Христу, / искушений всяческих мя жития избавляющи.
С любовью светоносную и божественную твою память празднующему, / свет ниспошли мне, преподобная, / предстоящая Свету неприступному – Христу, / от всяческих искушений житейских меня избавляя.
К египтяном плотию отшедый, Неописанный и Превечный, / из Египта показует всесветлую тя звезду, / ведый Господь вся прежде бытия.
С египтянами по плоти поселившийся Господь, / Беспредельный и Предвечный, / из Египта являет тебя, всесветлую звезду, / всех Знающий прежде рождения.
Слава: Божественных заповедей честная не ведущи, / божественный образ Божий окаляла еси: / Божественным же промыслом паки очистила еси всехвальная, / обожившися деяньми божественными преподобная твоими.
Слава: Божественных заповедей не зная, досточтимая, / прекрасный образ Божий ты запятнала, / но Божественным промыслом снова очистила его, всехвальная, / обожение стяжав деяниями божественными твоими, преподобная.
И ныне: О Твоего Боже мой многаго благоутробия, / и неизреченнаго Твоего снизхождения! / Како первее блудницу, Матере Твоея мольбами, / яко чистую и непорочную, ангелом уподобил еси.
И ныне: О великое Твое, Боже мой, милосердие / и неизреченное Твое снисхождение! / Как бывшую блудницу, Матери Твоей мольбами, / чистотою и непорочностью Ты Ангелам уподобил!
Песнь 3
Ирмос: Тебе, на водах / повесившаго / всю землю неодержимо, / тварь, видевши / на лобнем висима, / ужасом многим содрогашеся, / несть свят, / разве Тебе, Господи, взывающи.
Ирмос: Тебя, на водах / повесившего всю землю без опоры, / творение увидев висящим на лобном месте, / великим ужасом охваченное, восклицало: / "Нет святого, кроме Тебя, Господи!"
Припев: Преподобная мати Марие, моли Бога о нас.
Припев: Преподобная матерь Мария, моли Бога о нас.
Ко вратом погибели приближшуюся деяньми безместными, / врата прежде адова сокрушивый силою Божества, / врата покаяния тебе отверзает всечестная, / дверь сый Сам живота.
Тебе, к вратам погибели / приблизившейся делами непристойными, / Тот, Кто прежде врата ада сокрушил силою Божества, / покаяния врата отверзает, досточтимая, / Сам являясь дверью жизни.
Оружие греха Долготерпеливе прежде бывшую, / оружию Креста Божественнаго поклонением показал еси, / оружия бесов вся, и козни всяко побеждающую, Благоутробне.
Орудием греха прежде бывшую, Долготерпеливый, / после поклонения оружию божественного Креста / Ты явил всецело побеждающей / все орудия и козни бесов, Милосердный.
Слава: Цену за всех, Свою прежде излиявый кровь, / банею слез чистую тя соделовает, / проказою лютою болевшую злейшаго деяния, / всяко еже быти всем давый.
Слава: Прежде в выкуп за всех / кровь Свою изливший, / чистой слез купелью делает тебя, / болевшую проказой тяжкою порочнейшего деяния, / всем бытие всецело Даровавший.
И ныне: Слова всякаго есть вышшее, еже на Тебе Дево: / Слово бо Отчее в Тебе боголепно вселися, / разрешение согрешений всем согрешающим, / словом единем подаваяй.
И ныне: Слова всякого выше / на Тебе, Дева, совершившееся: / ибо в Тебя вселилось, как подобает Богу, Слово Отчее, / разрешение согрешений всем согрешающим / одним словом подающее.
Господи, помилуй, трижды.
Господи, помилуй, трижды.
Седален, глас 8. Подобен: Премудрость и слово:
Взыграния вся плотская обуздавши труды постническими, / мужественное явила еси души твоея мудрование. / Крест бо Господень видети возжелавши, / самую себе всечестная мирови распяла еси: / отнюдуже и к желанию ангельскаго жительства / любезно управила еси себе всеблаженная. / Моли Христа Бога, оставление согрешений даровати, / чтущим любовию святую память твою.
Все восстания плоти обуздав подвижническими трудами, / ты явила мужественное расположение твоей души. / Ибо, Крест Господень увидеть благочестиво возжелав, / саму себя, славная, для мира ты распяла; / оттого и к ревности о жизни ангельской / усердно побудила себя, всеблаженная. / Потому мы с верою память твою, Мария, празднуем, / прося о щедром даровании нам / прощения согрешений ходатайствами твоими.
Слава, и ныне, Богородичен: Небесная врата и ковчег, всесвятую гору, / светозарный облак воспоим, неопалимую купину, / словесный рай, Евино воззвание, / вселенныя всея великое сокровище: / яко спасение в Ней содеяся мирови, / и оставление древних согрешений. / Тем и вопием Ей: / молися Сыну Твоему и Богу, / согрешений оставление даровати, / благочестно покланяющимся всесвятому Рождеству Твоему.
Слава, и ныне, Богородичен: Небесные врата и ковчег, всесвятую гору, / светозарное облако воспоем, / несгорающий терновый куст, духовный рай, / Евы ко спасению призвание, / всей вселенной великое сокровище, / ибо в Ней совершилось спасение мира и прощение древних согрешений. / Потому мы и взываем Ей: "Молись Сыну Твоему и Богу, о даровании отпущения согрешений / благоговейно поклоняющимся всесвятому рождению от Тебя Христа!"
Песнь 4
Ирмос: На Кресте Твое / Божественное истощание / провидя, Аввакум, / ужасся, вопияше: / Ты сильных пресекл еси / державу, Блаже, / приобщаяся сущим во аде, яко Всесилен.
Ирмос: На Кресте Твое божественное умаление провидя, / Аввакум в изумлении взывал: / "Ты пресек, Благой, могущество властителей, / приобщаясь к находящимся во аде, / как всесильный!"
Припев: Преподобная мати Марие, моли Бога о нас.
Припев: Преподобная матерь Мария, моли Бога о нас.
Яко Содетель человеческаго естества, / яко милости источник, и благоутробия богатство, / ущедрил еси Человеколюбче прибегницу Твою, / и исхитил еси сию губительнаго зверя.
Как Создатель человеческого естества, / как милости источник и благосердия богатство, / пожалел Ты, Человеколюбец, прибегшую к Тебе / и исторг ее от пагубного зверя.
Крест видети потщавшися, / крестным просвещением Марие озарилася еси, / Крестом беседовавшаго, / манием Божественным распеншися мирови досточудная.
Крест увидеть поспешив, / крестным просвещением озарилась ты, Мария, / мановением божественным Предавшего Себя на Крест / распявшись для мира, досточудная.
Слава: Злых вина первее, сласть лукавая, многим бывши, / аки солнце просиявши, / всем наставница преподобная явися согрешающим.
Слава: Прежде бывшая для многих виновницей зол / посредством порочного услаждения, / словно солнце просияв, ты явилась, преподобная, / наставницей всем согрешающим.
И ныне: Ум превозшла еси и небесный, / мысленное небо всех Царя: / законов бо естества вне Чистая / Законодателя и Создателя всех родила еси.
И ныне: Ум превзошла Ты и небесный, / мысленное Небо всех Царя: / ибо помимо естественных законов, Чистая, / Законодателя и Творца всего Ты зачала.
Песнь 5
Ирмос: Богоявления Твоего, Христе, / к нам милостивно бывшаго, / Исаия, Свет видев Невечерний, / из нощи утреневав, взываше: / воскреснут мертвии, / и востанут сущии во гробех, / и вси земнороднии возрадуются.
Ирмос: Богоявления Твоего к нам, Христе, / из сострадания происшедшего, / Исаия увидев свет немеркнущий, / от ночи бодрствуя восклицал: / "Воскреснут мертвые, / и восстанут находящиеся в гробницах, / и все, на земле живущие, возрадуются!"
Припев: Преподобная мати Марие, моли Бога о нас.
Припев: Преподобная матерь Мария, моли Бога о нас.
Моисей прославися иногда на Синаи, / Божия задняя таинственно видев преславный, / подписуя странное таинство: / манноприемлющия же стамны ныне, / образу пречистому тепле припадши, / Мария ангельское житие носит.
Моисей на Синае некогда прославился, / Бога сзади таинственно увидев, славный, / и начертав необычайное это таинство; / ныне же Мария, как к сосуду с манной / к пречистой иконе горячо припав, / ангельскую жизнь проводит.
Храм благолепия Твоего вожделевши псаломски видети, / умное же селение славы Твоея, Твой храм осквернившая: / умными молитвами Христе, Твоего храма неискусомужныя бывшия, / храм мя вседетельнаго сотвори Духа.
Благолепие храма Твоего / и невещественную славы Твоей скинию / возжелала, по псалму, увидеть / храм Твой осквернившая / и невидимыми ходатайствами мужа не познавшей / стала храмом Твоим, Христе. / Соделай же и меня / храмом вседейственного Духа.
Слава: Удою плоти, очесы многих уловившая, сластию краткою, / снедь же диаволу сих сотворшая, / уловлена бысть всеистинно / Божественною благодатию Креста честнаго / сладчайшая Христови снедь бывши.
Слава: Удою плоти – глазами многих уловившая / и кратким услаждением / пищей диавола соделавшая их / уловлена была всеистинно / Креста священного божественною благодатию, / став сладчайшею снедью для Христа.
И ныне: Научен лик пророческий таинству еже в Тебе, / таинственными богоглаголаньми Пречистая, / Тебе многообразно предглагола: / манноприемлющия же стамны ныне, / образу пречистому сия припадши, / Мария споручница грешных к Богу.
И ныне: Хор пророков, посвященный в таинство, / совершившееся в Тебе, / таинственными божественными словами, Пречистая, / о Тебе разнообразно предвозвестил. / Сосуд же вместивший манну / есть то, к чему припала Мария ныне / – пречистый образ Поручительницы / за грешных пред Богом.
Песнь 6
Ирмос: Бездна последняя грехов обыде мя, / и, волнения не ктому терпя, /яко Иона, Владыце, вопию Ти: /от тли мя возведи.
Ирмос: Крайняя бездна грехов окружила меня, / и волнения уже не вынося, / как Иона, взываю к Тебе, Владыке: / "Из погибели меня изведи!"
Припев: Преподобная мати Марие, моли Бога о нас.
Припев: Преподобная матерь Мария, моли Бога о нас.
Радуются, Марие, ангельская воинства, / равное преподобная житие сим в тебе зряще, / и славу Господеви зовут.
Радуются, Мария, ангельские воинства, / равное им житие в тебе видя, преподобная, / и славу Господу возглашают.
Ужасаются бесов мрачных состояния, / терпеливаго твоея крепости, / яко жена преславно, и нагая, / и единая сим возмогла еси.
Трепещут бесов мрачных сонмища / от силы твоего терпения, / ибо ты, жена одинокая и нагая, / посрамила их предивно.
Слава: Просияла еси аки солнце Марие всехвальная, / и пустыню чудесы всю просветила еси. / Темже и мене светом уясни.
Слава: Просияла ты словно солнце, Мария всехвальная, / и светочами всю пустыню озарила. / Потому и меня твоим светом просвети.
И ныне: Ангели, просветившеся славою Рождества Твоего, / на земли мир всем нам, / и благоволение человеком, Дево, возопиша.
И ныне: Ангелы, озаренные славою / рождения от Тебя Христа, / на земле мир всем нам / и благоволение людям, Дева, громко возвестили.
Господи, помилуй, трижды. Слава, и ныне:
Господи, помилуй, трижды. Слава, и ныне:
Кондак, глас 3. Подобен: Дева днесь:
Блудами первее преисполнена всяческими, / Христова невеста днесь покаянием явися, / ангельское жительство подражающи, / демоны Креста оружием погубляет. / Сего ради Царствия невеста явилася еси Марие преславная.
Прежде различными блудодеяниями исполненная, / ныне через покаяние ты наречена невестою Христовой, / ангельского образа жизни возжелавшая, / демонов оружием Креста поправшая. / Потому явилась ты Царства невестой, / Мария досточтимая!
Икос: Агницу Христову и дщерь песньми восхвалим ныне, / Марию приснопамятную, явльшуюся Египетское овча: / и прелести сих всея избеже, / и едина принесеся Церкви совершенное возращение, / воздержанием и молитвою подвизающися паче меры человеческаго естества. / Темже и возвыси ея и житие и деяние, един Вседержитель, / Марии преславныя.
Икос: Агницу Христову и дочь / ныне песнями восхвалим, Марию достославную, / по происхождению – отпрыск египтян, / но всего их заблуждения избежавшую, / и прекрасно принесенную Церкви, как отрасль драгоценная, / в воздержании и молитве подвизавшаяся / выше меры человеческого естества. / Потому и возвысилась ты во Христе жизнью и деянием, / явившись Царства Небесного невестой, / Мария досточтимая!
Песнь 7
Ирмос: Отроцы в Вавилоне / пещнаго пламене не убояшася, / но, посреде пламене ввержени, / орошаемы пояху: / благословен еси Господи / Боже отец наших.
Ирмос: Отроки в Вавилоне / пламени печи не устрашились, / но вверженные посреди огня / и орошаемые воспевали: / "Благословен Ты, Господи, / Боже отцов наших!"
Припев: Преподобная мати Марие, моли Бога о нас.
Припев: Преподобная матерь Мария, моли Бога о нас.
Превеликий во отцех, обхожда пустыню, Зосима мудрый, / преподобную видети сподобися: / благословен еси, зовет же, Боже отец наших.
Величайший среди отцов, Зосима мудрый, / по пустыне странствуя, удостоился / преподобную увидеть и взывает: / "Благословен Ты, Боже отцов наших!"
Что отче, странное всякия добродетели детельныя, / видети пришел еси женище? / преподобная вопияше старцу: / благословен еси, зовет же, Боже отец наших.
"Что ты, отче, пришел увидеть немощную жену, / чуждую всякой действенной добродетели?" / – преподобная возглашала старцу; но он взывал: / "Благословен Ты, Боже отцов наших!"
Слава: Умертвивши блаженная страстей твоих взыграния, / к безстрастия ныне устремилася еси пристанищу, зовущи: / благословен еси Господи Боже отец наших.
Слава: Умертвив, блаженная, восстания твоих страстей, / к пристани бесстрастия ты ныне причалила, взывая: / "Благословен Ты, Господи, Боже отцов наших!"
И ныне: Зачала еси неизреченно, Дева пребывши Пречистая, / и родила еси мирови спасение, Христа Бога нашего: / темже Тя вси песньми вернии величаем.
И ныне: Зачала Ты неизреченно, / оставшись Девою, Пречистая, / и во чреве носила миру спасение – Христа Бога нашего; / потому все мы, верные, / Тебя песнопениями величаем.
Песнь 8
Ирмос: Ужаснися, бояйся, Небо, / и да подвижатся / основания земли: / се бо в мертвецех вменяется / в Вышних Живый / и во Гроб мал / странноприемлется. / Егоже, отроцы, благословите, / священницы, воспойте, / людие, превозносите во вся веки.
Ирмос: Изумись в трепете, небо, / и да потрясутся основания земли; / ибо вот, к мертвым причисляется / на высотах Живущий / и в тесном гробе помещается; / Его отроки благословляйте, / священники воспевайте, / люди превозносите во все века.
Припев: Преподобная мати Марие, моли Бога о нас.
Припев: Преподобная матерь Мария, моли Бога о нас.
Глубины сердца испытуяй, / прежде бытия предведый вся наша, / нужнаго жития исхитил еси прибегшую к Тебе Спасе, / нуждно Твоему человеколюбию вопиющую немолчно: / священницы благословите, / людие превозносите во вся веки.
Испытывающий глубины сердца, / прежде бытия Знающий все наши дела / от бурной жизни Ты похитил прибегшую к Тебе, Спаситель, / твердо Твоему человеколюбию взывавшую не умолкая: / "Священники, благословляйте, / люди превозносите во все века!"
О изменения честнаго, к лучшему преложения твоего честная! / О любве Божественныя, возненавидевшия плотския сласти! / О веры горящия и Божественныя, всехвальная Марие! / Юже верно хвалим, и превозносим во веки.
О изменение священное, / переход твой к лучшему, досточтимая! / О любовь божественная, возненавидевшая плотские наслаждения! / О вера, горящая и божественная Марии всехвальной, / которую мы с верою восхваляем / и превозноси во все века.
Слава: Обрела еси болезней возмездие, / и трудов твоих воздаяние честная Марие, / имиже низложила еси убийцу врага: / и ныне со ангелы зовеши, песнь немолчно вопиющи, / и превозносящи Христа во веки.
Слава: Обрела ты за труды награду, / и за муки твои воздаяние, досточтимая Мария: / ими низложила ты убийцу-врага / и ныне с Ангелами возглашаешь песнь, взывая не умолкая / и превознося Христа вовеки.
И ныне: Всего обнови мя благости ради, во утробе Твоей Чистая, / не растлив обоего естества свойств, / яко всех веков Владыка: / отнюдуже Тя, яко вину нашего спасения, / песньми поем во вся веки.
И ныне: Всего меня обновил во чреве Твоем, Чистая, / по Своей благости Владыка всех веков, / не нарушив свойств каждого из естеств. / Потому Тебя, как виновницу нашего спасения, / мы славим песнопениями во все века.
Песнь 9
Ирмос: Не рыдай Мене, Мати, / зрящи во Гробе, / Егоже во чреве без семене зачала еси, Сына: / востану бо, / и прославлюся, / и вознесу со славою / непрестанно яко Бог / верою и любовию Тя величающия.
Ирмос: Не рыдай надо Мною, Матерь, / видя во гробе Сына, / Которого Ты во чреве без семени зачала, / ибо Я воскресну и буду прославлен, / и во славе вознесу, как Бог, / непрестанно с верою и любовию / Тебя величающих.
Припев: Преподобная мати Марие, моли Бога о нас.
Припев: Преподобная матерь Мария, моли Бога о нас.
Удобь претерпела еси, мати, пустынный труд, / укрепляема державною силою Христовою: / скверная бо помышления находящая, / струями божественных слез угасила еси чистая, / постников высото, преподобных похвало.
Легко перенесла ты, матерь, труд в пустыне, / наставляемая могущественною силою Христа: / ибо находящие скверные помышления / струями божественных слез угасила ты, священная, / подвижников совершенство, преподобных похвала.
Пресветлейшими лучами, / просвещает тя едина свет рождшая Христа, Дева и Чистая: / страшную врагом тя поставляет честная: / явственную же всем Марие являет тя, / страдалец красото, преподобных утверждение.
Светлейшими лучами просвещает тебя Дева и чистая, / одна родившая Свет – Христа /. делая тебя страшной для врагов, священная, / и известной всем, Мария, тебя являет, / подвижников красота, преподобных утверждение.
Слава: Оставивши мудренно земная вся, / жилище честное Духа явилася еси: / мирских убо лютых свободитися, / моли единаго Христа свободителя, / верно совершающим Божественную память твою.
Слава: Оставив благоразумно все земное, / священным жилищем Духа явилась ты; / итак, моли Христа, единого Освободителя, / от страшных бед мирских освободить / с верою совершающих божественную память твою.
И ныне: Законов естества Дево, паче естества утаившися, / новое Отроча на земли родила еси Чистая, / Законодавца суща и Ветха деньми, / мысленное небо всех Творца: / тем верою и любовию Тя ублажаем.
И ныне: От законов естества, Отроковица, / утаившись сверхъестественно, / Дитя юное Ты, Чистая, носила во чреве на земле, / Законодателя истинного и Древнего Днями. / Потому Тебя, Мысленное Небо всех Творца, / мы с верою и любовию восхваляем.
Светилен. Подобен: Небо звездами:
Образ покаяния тебе имуще всепреподобная Марие, Христа моли, / во времени Поста, сему нам дароватися, / яко да в вере и любви, тя песньми восхвалим.
Примером покаяния имеем мы тебя, / преподобнейшая Мария! / Моли Христа во время поста и нам его даровать, / чтобы мы с верою и любовью / тебя в песнях восхваляли.
Слава, и ныне, Богородичен: Сладосте ангелов, скорбящих радосте, христиан предстательнице, / Дево Мати Господня, / заступи нас, и избави вечных мук.
Слава, и ныне, Богородичен: Услада Ангелов, скорбящих радость, / христиан Заступница, Дева Матерь Господня, / защити нас и избавь от вечных мук.
Молитва преподобной Марии Египетской
О великая Христова угоднице, преподобная Марие! На Небеси Престолу Божию предстоящи, на земли же духом любве с нами пребывающи, имеющи дерзновение ко Господу, моли спасти рабы Его, к тебе с любовию притекающия. Испроси нам у Великомилостиваго Владыки и Господа веры непорочное соблюдение, градов и весей наших утверждение, от глада и пагубы избавление, скорбящим – утешение, недугующим – исцеление, падшим – возстание, заблуждщим – укрепление, в делах благих преспеяние и благословение, сиротам и вдовицам – заступление и отшедшим от сего жития – вечное упокоение, всем же нам в день страшнаго Суда одесную страны общники быти и блаженный глас Судии мира услышати: приидите, благословеннии Отца Моего, наследуйте уготованное вам Царствие от сложения мира, и тамо пребывания во веки получити. Аминь.
О великая Христова угодница преподобная Мария! На Небесах Престолу Божию предстоя, на земле же духом любви с нами пребывая, имея дерзновение ко Господу, моли, спасти рабов Его, к тебе с любовью прибегающих. Испроси нам у Великого милостью Владыки и Господа веры непорочное соблюдение, городов и сёл наших утверждение, от голода и мора избавление, скорбящим – утешение, недужным – исцеление, падшим – восстание, заблудшим – укрепление, в делах добрых успех и благословение, сиротам и вдовам – защиту и отошедшим от жизни сей – вечное упокоение, всем же нам в день страшного Суда стать общниками стоящих с правой стороны и блаженный глас Судии мира услышать: "Придите, благословенные Отца Моего, наследуйте Царство, уготованное вам от сложения мира", – и пребывание там во веки получить. Аминь.
(c) Переводы Св. Писания и Богослужебных текстов: о. Амвросий (Тимрот).
При любом использовании материалов сайта, ссылка на автора обязательна.
|
