Главная » 2015 » Июнь » 13 » Молитва Каллиста, Патриарха Константинопольского во время засухи
08:37
Молитва Каллиста, Патриарха Константинопольского во время засухи
Владыко Господи Боже наш, моление Илии Фесвитянина любви ради его к Тебе исполнивший, и во время посылаемому земли дождю удержатися повелевый, таже паки молитвою его дождь плодоносный ей даровавый: Сам, Владыко всех, от самаго Твоего благоутробия умоляемь, дождь волен даждь наследию Твоему, и совершенная нами презрев, дожди Твоя низпосли на требующая и просящая места: возвесели лице земли, нищих ради людей Твоих, и младенцев и скотов, и иных всех, зане к Тебе чают, еже дати пищу им во благо время. Ты бо еси Бог наш, Бог еже миловати и спасати нас, и Тебе славу возсылаем, Отцу и Сыну, и Святому Духу, ныне и присно и во веки веков. Аминь.
