Главная » 2015 » Июнь » 13 » Священномученику Ермогену, патриарху Московскому О ДАРОВАНИИ МУЖЕСТВА
10:39
Священномученику Ермогену, патриарху Московскому О ДАРОВАНИИ МУЖЕСТВА
О великий угодниче Христов, святителю отче наш Ермогене! К тебе, молитвеннику теплому и предстателю пред Богом непостыдному, усердно притекаем, в нуждах и скорбех наших утешения и помощи просяще. В древнюю годину искушений, внегда обышедше обыдоша страну нашу нечестивии врази, Господь яви тя Церкви Своей столпа непоколебима и людем российским пастыря добра, душу свою за овцы положивша и лютыя волки далече отгнавша. Ныне убо призри и на ны, недостойныя чада твоя (имена), умиленною душею и сокрушенным сердцем тебе призывающие. Крепость бо наша в нас оскуде и вражия ловления и сети обыдоша нас. Помози нам, заступниче наш! Утверди нас в вере святей: научи нас всегда творити заповеди Божия и вся предания церковная, от отец нам заповеданная. Пастырем нашим буди архипастырь, воином вождь духовный, болящим врач, печальным утешитель, гонимым заступник, юным наставник, всем же благосердный отец и за вся теплый молитвенник яко да молитвами твоими ограждаеми, непрестанно воспоем и прославим всесвятое имя Живоначальныя Троицы, Отца и Сына и Святаго Духа во веки веков. Аминь!
